झलनाथकी पत्नी चित्रकारलाई थप उपचारका लागि भारत लगिने

काठमाडौं । जेनजी आन्दोलनका क्रममा आफ्नै घरमा आगजनीमा गम्भीर घाइते भएकी पूर्वप्रधानमन्त्री झलनाथ खनालकी पत्नी रविलक्ष्मी चित्रकारलाई थप उपचारका लागि भारत लगिने भएको छ ।

कीर्तिपुरस्थित बर्न अस्पतालमा उपचाररत चित्रकारलाई ज्वरो र निमोनिया देखिएपछि थप उपचारका लागि भारत लान लागिएको हो । पारिवारिक स्रोतका अनुसार चित्रकारलाई भारतको दिल्लीस्थित एपोलो अस्पतालमा लैजान लागिएको छ ।

जेनजी आन्दोलनका क्रममा गत भदौं २४ मा आफ्नै निवासमा भएको तोडफोड र आगजनीमा परेर गम्भीर घाइते भएकी चित्रकारको कीर्तिपुरस्थित बर्न अस्पतालमा उपचारको क्रममा इन्फेक्स्सन भएपछि बायाँ हात काटिएको छ । उनको निमोनिया निको नभएपछि उनलाई भारत लैजान लागिएको बताइएको छ ।

रातोचन्द्रसुर्य डेस्क

प्रकाशित: 2025-09-23

सम्बन्धित शीर्षकहरु