काठमाडौं । प्रसिद्ध हलिउड अभिनेत्री सिड्नी स्वीनीबारे नयाँ खबर छ । उनी बलिउडमा डेब्यू गर्न सक्ने खबर आएको छ । रोचक कुरा के छ भने उनलाई यो फिल्मको लागि ५०० करोड भारुभन्दा बढी पारिश्रमिकको प्रस्ताव गरिएको छ ।
द सनको एक रिपोर्टअनुसार एक भारतीय निर्माण कम्पनीले स्वीनीको अन्तर्राष्ट्रिय छविलाई माथि उठाउन चाहन्छ । त्यसैले, उनलाई एक फिल्मको लागि ४५ मिलियन पाउण्ड अर्थात ५३० करोड भारु पारिश्रमिकको अफर गरिएको छ ।
यसमा ४१५ करोड भारु पारिश्रमिक र ११५ करोड भारु प्रायोजन सम्झौता समावेश छ । सिड्नीले प्रस्ताव स्वीकार गरिन् वा गरिनन् भन्ने कुरा यकिन भैसकेको छैन । अन्तर्राष्ट्रिय मिडियाले यो खबर प्रसारण गरिरहेका छन् ।
यो फिल्म सबैभन्दा महँगो भारतीय फिल्म हुने दावी गरिएको छ । सिड्नीले यसमा एक अमेरिकी स्टारको भूमिका निर्वाह गर्नेछिन् जो एक भारतीय सेलिब्रेटीसँगको प्रेममा पर्छिन् ।
छायांकन सन् २०२६ मा सुरु हुने बताइएको छ । यो फिल्मलाई लन्डन, दुबई, न्यूयोर्क र पेरिसमा छायांकन गरिने जनाइएको छ । सिड्नी अमेरिकी अभिनेत्री हुन् । उनको पूरा नाम सिड्नी बर्निस स्वीनी हो ।
सेप्टेम्बर १२, १९९७ मा जन्मिएकी उनी २८ वर्षकी भइन् । उनी ‘एभ्रिथिङ सक्स’, ‘द ह्यान्डमेड्स टेल’ र ‘सार्र्प अब्जेक्ट्स’का लागि परिचित छिन् । उनले सिरिज ‘युफोरिया’बाट प्रसिद्धी प्राप्त गरिन् ।
सन् २०१९ मा, उनी ‘वन्स अपन अ टाइम इन हलिउड’मा देखा परिन् । त्यसपछि उनी ‘एनीवन बट यु’मा देखिइन् । सन् २०२४ मा, उनी सुपरहिरो फिल्म ‘म्याडम वेब’ मा देखा परिन् ।
रातोचन्द्रसुर्य डेस्क
प्रकाशित: 2025-09-20
युद्धविराम गर्ने सहमति भएको केही घण्टामै लेबनानमा इजरायली ड्रोन आक्रमण
श्रीमतीको हत्या गरेको आरोपमा विदुर विश्वकर्मा पक्राउ
प्रेमिका गौरी स्प्रैटसँग विवाह गर्दै आमिर खान
एशियन गेम्समा छनौट भए चार देश, नेपालले आज मलेसियाविरुद्ध खेल्दै
जातीय विभेद सामाजिक, नैतिक तथा मानवीय गरिमा विरुद्धको अपराध हो- राष्ट्रपति पौडेल
२०८३ जेठ २१ गते बिहिबार: आजको राशिफल
