काठमाडौँ । अधिवक्ता ओमप्रकाश अर्याल गृह र कानुनमन्त्री बन्ने निश्चित भएको छ । प्रधानमन्त्री सुशीला कार्कीले मन्त्रिपरिषद्को विस्तार गर्ने क्रममा मन्त्री छनौट गर्नेक्रममा अधिवक्ता अर्याललाई गृह र कानुन मन्त्रालयको जिम्मेवारी दिने भएकी हुन् ।

जेनजी समूहबाट राष्ट्रपति र नेपाली सेनासँग वार्तामा समेत सहभागी भएका अर्याल यसअघि काठमाडौँ महानगरका कानुनी सल्लहकारको भूमिकामा थिए । बालेन शाह निकट रहेका अर्यालले यसअघि रुपन्देही(३ मा हुन लागेको उपनिर्वाचनमा समेत उम्मेदवार बन्ने तयारीमा रहेका थिए ।

त्यस्तै प्रधानमन्त्री कार्कीले पूर्वअर्थ सचिवसमेत रहेका अर्थविद रामेश्वर खनाललाई अर्थमन्त्री र नेपाल विद्युत् प्राधिकरणका पूर्वकार्यकारी निर्देशक कुलमान घिसिङलाई उर्जामन्त्री बनाउने भएकी छन् । प्रधानमन्त्री कार्कीले घिसिङलाई अन्य महत्वपूर्ण मन्त्रालय समेत दिने बताइएको छ ।