नारायणगढ-मुग्लिङ सडकको १७ किलोमा दुर्घटना, मोटरसाइकल चालकको मृत्यु

चितवन । नारायणगढ-मुग्लिङ सडक खण्डको १७ किलोमा मोटरसाइकल बससँग ठोक्किएपछि एक जनाको मृत्यु भएको छ । प्रहरीका अनुसार मोटरसाइकल चालकको मृत्यु भएको हो ।

नारायणगढबाट लम्जुङतर्फ गइरहेको ग१ख ४१४० नम्बरको बससँग विपरित दिशाबाट आउदै गरेको ग १२ प ६९९२ नम्बरको मोटरसाईकल ठोक्किदा मोटरसाइकल चालक गम्भीर घाईते भएका थिए ।

मोटरसाइकल चालकको भरतपुरमा उपचारको क्रममा मृत्यु भएको प्रहरीले जनाएको छ । मृतकको पहिचान नखुलेको बताइएको छ ।

रातोचन्द्रसुर्य डेस्क

प्रकाशित: 2025-09-01

सम्बन्धित शीर्षकहरु