काठमाडौँ । प्रधानमन्त्री नरेन्द्र मोदीले शंघाई सहयोग संगठन (एससीओ ) शिखर सम्मेलनमा संयुक्त राष्ट्र संघको प्रणालीमा परिवर्तनको माग गरेका छन् । 

सोमबार सिखर सम्मेलनलाई सम्बोधन गर्दै मोदीले संयुक्त राष्ट्र संघ सुधारको लागि एससीओ देशहरूलाई अपील गरेका हुन् ।

मोदीले भने- ‘एससीओ सदस्यहरूले विश्वव्यापी संस्थाहरूमा सुधारको लागि पारस्परिक सहयोग बढाउन सक्छन् । संयुक्त राष्ट्र संघको ८०औं वार्षिकोत्सवको अवसरमा, हामी सर्वसम्मतिले संयुक्त राष्ट्र संघ सुधारको लागि आह्वान गर्न सक्छौं । ग्लोबल साउथको आकांक्षालाई पुरानो ढाँचामा कैद गर्नु भावी पुस्ताहरूप्रति गम्भीर अन्याय हो । हामी नयाँ पुस्ताको बहुरंगी सपनाहरू पुरानो शैलीको कालो र सेतो पर्दामा देखाउन सक्दैनौं । पर्दा परिवर्तन गर्नुपर्छ ।’

शिखर सम्मेलनमा प्रधानमन्त्री मोदीले पहलगाम आक्रमणको उल्लेख गर्दै ‘आतंकवाद’ लाई निशाना बनाए र मित्र राष्ट्रहरूलाई धन्यवाद दिए । मोदीले नाम नलिई पाकिस्तानलाई निशाना बनाएका थिए । 

मोदीले पहलगाम आक्रमणलाई उल्लेख गर्दै उनले यसलाई आतंकवादको सबैभन्दा खराब रूप भनेका थिए । मोदीले भारतले विगत चार दशकदेखि आतंकवादको सामना गरिरहेको बताउदै आतंकवादलाई केही देशहरूको खुला समर्थन कसरी स्वीकार गरिँदैछ भन्ने प्रश्न गरेका थिए ।

त्यस्तै एससीओ सम्मेलनको घोषणापत्रमा पहलगाममा भएको आतंकवादी हमलाको कडा शब्दमा निन्दा गरिएको छ । घोषणापत्रमा अपराधी, आयोजक र उनीहरूलाई समर्थन गर्नेहरूलाई दण्डित गर्नु आवश्यक रहेको उल्लेख गरिएको छ । यसअघि जुनमा भएको रक्षामन्त्रीहरूको बैठकमा पनि एससीओ घोषणापत्रमा पहलगाम आक्रमणको कुनै उल्लेख थिएन । भारतले यसप्रति असन्तुष्टि व्यक्त गरेको थियो ।