काठमाडौं । साफ यू–१७ महिला च्याम्पियनसिपमा नेपाल बंगलादेशसँग पराजित भएको छ । आइतबार चाङ्लिमिथाङ रंगशालामा बंगलादेशले नेपालमाथि ३(० को जित निकालेको हो । पहिलो हाफमा २ गोल गरेको बंगलादेशले दोस्रो हाफमा एक गोल गरेको थियो ।

यो जितपछि बंगलादेशको तीन खेलमा २ जित र एक हारसहित ६ अंक भएको छ भने नेपालले भने ३ खेलमा दोस्रो हार बेहोरेको छ । नेपालले यसअघि भारतसँग ७–० को फराकिलो हार बेहोरेको थियो भने भुटानलाई २–१ ले पराजित गरेको थियो ।

त्यस्तै बंगलादेशले भने भुटानलाई ३–१ ले पराजित गरेको थियो भने भारतसँग २–० को हार बेहोरेको थियो । अब नेपालले अर्को खेल अगस्त २७ मा बंगलादेशसँग, अगस्त २९ मा भारतसँग र अगस्त ३१ मा भुटानसँग खेल्ने तालिका रहेको छ ।