विद्या भण्डारीको दाबि- एमालेको सक्रिय तथा संगठित सदस्य हुँ

विराटनगर । विद्यादेवी भण्डारीले आफू नेकपा एमालेको सक्रिय तथा संगठित सदस्य भएको दाबी गरेकी छन्।

विराटनगर विमानस्थलमा सोमबार पत्रकारसँग कुरा गर्दै उनले पार्टी केन्द्रीय कमिटीको पछिल्लो निर्णयबारे औपचारिक जानकारी नपाएको बताउदै आफु एमालेको सक्रिय तथा संगठित सदस्य भएको दाबी गरेकी हुन् ।

भण्डारीले भनिन्- ‘म ४५ वर्षदेखि एमालेको संगठित सदस्य हुँ। हिजो पनि म एमाले भएरै राष्ट्रपति निर्वाचित भएकी हुँ र आज पनि त्यहीँ छु।’

साथै भण्डारीले अहिले वाम एकताको सम्भावना कमजोर भएको समेत बताएकी थिइन् ।

विराटनगरमा पूर्वराष्ट्रपति भण्डारीलाई कोशी प्रदेशकी राज्यमन्त्री सिर्जना राईले विमानस्थलमा स्वागत गरेकी थिइन् । भण्डारी मोरङ सेवा समाजको निमन्त्रणामा विराटनगर आएकी हुन् ।

रातोचन्द्रसुर्य डेस्क

प्रकाशित: 2025-08-18

सम्बन्धित शीर्षकहरु