अमेरिका । तनहुँको आँबुखैरेनीकी दिया श्रेष्ठले अमेरिकाको न्यूयोर्कमा भएको मिस नेपाल नर्थ अमेरिका–२०२५ को उपाधि चुम्न सफल भएकी छन् । १९ जना प्रतिस्पर्धीलाई पछि पार्दै श्रेष्ठले उपाधि जितेकी हुन् ।

उपाधि चुमेसँगै श्रेष्ठले नेपालमा हुने मिस नेपाल–२०२५ मा सिधै प्रवेश पाएकी छन् । ग्राण्ड फिनालेमा हाल न्यूयोर्क निवासी श्रेष्ठले ८औँ संस्करणको प्रतियोगिताको उपाधि हात पारेकी हुन् ।
टेनेसी राज्यकी कृष्मा सुवेदी पहिलो उपविजेता र टेक्सास राज्यकी आर्या कोइराला दोस्रो उपविजेता घोषित भएकी थिइन् ।

पूर्वमिस नेपाल सदीक्षा श्रेष्ठ, कलाकार प्रदीप खड्का, आँचल शर्मा, अनुपविक्रम शाही, सामाजिक संस्था स्नेह केयरकी संस्थापक स्नेहा श्रेष्ठ जजको रूपमा थिए । आयोजक संस्था ड्रीम्स युनिभर्सलका प्रमुख शैलेन्द्र श्रेष्ठले प्रतियोगिता उत्साहजनक ढंगले सम्पन्न भएको जानकारी दिए ।

तस्विरहरुः