हेटौडा । बागमती प्रदेशका मुख्यमन्त्री बहादुरसिंह लामाले तीन मन्त्री नियुक्त गरेका छन् । मुख्यमन्त्री लामाले बुधबार गोविन्द लम्साल, माया श्रेष्ठ र गीता गुरुङलाई मन्त्री नियुक्त गरेका हुन् ।

लम्साललाई आन्तरिक मामिला तथा कानुन मन्त्रालयको जिम्मेवारी दिइएको छ भने माया श्रेष्ठ र गीता गुरूङको जिम्मेवारी तोकिएको छैन । नियुक्त गरिएका मन्त्रीहरुको आजै सपथग्रहण गर्नेगरी तयारी गरिएको छ ।

बागमतीमा काँग्रेसका पाँच मन्त्रीले लामाविरुद्धको अविश्वास प्रस्तावलाई समर्थन गर्दै राजीनामा दिएका थिए । पार्टी संसदीय दलमा विश्वास गुमाएका लामाले गठबन्धन सरकारमा मुख्यमन्त्री हुन संसदीय दलको नेता हुन आवश्यक नरहेको तर्क गर्दै अविश्वास प्रस्ताव पारित भएपछि राजीनामा दिन अस्वीकार गरेका छन् ।