काठमाडौँ । क्रिस्टियानो रोनाल्डोले आफ्ना सहकर्मी खेलाडी डियोगो जोटाको दुर्घटनामा भएको मृत्युप्रति दुख व्यक्त गरेका छन् । रोनाल्डोले सामाजिक सञ्जालमा लेख्दै हालै राष्ट्रिय टिमका लागि खेलेको उल्लेख गर्दै जोटासधै आफुहरुको सम्झनामा हुने बताएका छन् ।

रोनाल्डोले भनेका छन्– ‘यसको कुनै अर्थ छैन ! भर्खरै हामी राष्ट्रिय टोलीमा सँगै थियौं, भर्खरै तिम्रो विवाह भएको थियो । तिम्रो परिवार, तिम्री श्रीमती र तिम्रा छोराछोरीप्रति म मेरो समवेदना व्यक्त गर्दछु र उनीहरूलाई संसारको सबै शक्तिको कामना गर्दछु । मलाई थाहा छ, तिमी सधैं उनीहरूसँगै हुनेछौ । शान्तिमा रहोस्, डियोगो र आन्द्रे । हामी सबैले तिमीलाई सम्झनेछौं ।’

जोटा दाजुभाईको विहिबार स्पेनमा कार दुर्घटनामा मृत्यु भएपछि विश्वभरका फुटबल फ्यान स्तब्ध भएका छन् ।