काठमाडौँ । भारतको मणिपुरमा सुरक्षा बल र अज्ञात हतियारधारीहरू बीचको गोलीबारीमा एक कुकी महिलाको मृत्यु भएको छ । 

भारतीय मिडियाका अनुसार गोलीबारीमा मृत्यु हुने महिलाको नाम हुइखोलहिङ हाइकिप रहेको मणिपुर प्रहरीलाई उदृत गर्दै उल्लेख गरेका छन् ।

मणिपुरको आदिवासी जनजाति नेता मञ्चले कुकी आदिवासी महिलाको मृत्युलाई ‘क्रूर र लक्षित हत्या’ भनेर वर्णन गरेको छ । महिलाको मृत्युको विरोध गर्दै, मञ्च र केही कुकी नागरिक संगठनहरूले आ-आफ्नो क्षेत्रमा बन्दको घोषणा गरेका छन्।

मञ्चका अनुसार, गोलीबारीमा ज्यान गुमाउने महिला लाङचिङमान्बी गाउँका प्रमुखकी श्रीमती थिइन् ।

इम्फाल उपत्यकाको सिमानाको अन्तिम छेउमा अवस्थित, फुबालाको विशाल कृषि भूमि एकातिर कुकी बहुल चुराचन्दपुर जिल्लाको पहाडले घेरिएको छ । यस क्षेत्रमा मेइतेई र कुकी जनजातिहरू बीच धेरै महिनादेखि तनाव चलिरहेको छ ।