काठमाडौँ । इन्टर मियामीले जारी फिफा क्लब विश्वकपमा पोर्चुगलको क्लब पोर्टोविरुद्ध महत्वपूर्ण जित हासिल गरेको छ ।

गएराती सम्पन्न खेलमा इन्टर मियामीले पोर्टोलाई २-१ गोल अन्तरले पराजित गरेको हो ।

१-० गोलले पछि परेको इन्टर मियामीले खेलमा कमब्याक गर्दै जित हासिल गरेको थियो । पोर्टोले सामु अघेहोवाको पेनाल्टी गोलसँगै खेलको आठौँ मिनेटमा शुरुवाती अग्रता लिएको थियो । तर इन्टर मियामीले खेलको ४७औँ मिनेटमा टेलास्को सेगोभिया र ५४औं मिनेटमा लियोनेल मेसीको गोलमा २-१ को अग्रता लिदै खेल जितेको थियो ।

यो जितपछि समुह ए मा रहेको इन्टर मियामीको २ खेलमा ४ अंक रहेको छ र दोस्रो स्थानमा रहेको छ । यस समुहमा ब्राजिलियन क्लब पाल्मेइराज २ खेलमा ४ अंकसहित नै शिर्ष स्थानमा रहेको छ । त्यस्तै पोर्टो र अल अहलीको २-२ खेलमा १-१ अंक रहेको छ र समुहमा तेस्रो र चौथो स्थानमा रहेका छन् ।