काठमाडौं । रौतहटको राजपुरमा मोबाइल चार्ज गर्ने क्रममा करेन्ट लागेर एक गर्भवती महिलाको मृत्यु भएको छ ।

बुधबार दिउँसो आफ्नै घरमा मोबाइल चार्जमा लगाउने क्रममा करेन्ट लागेर राजपुर नगरपालिका–३ डमार पोखरीया गाउँकी ३५ वर्षीय गुलनाज खातुनको मृत्यु भएको हो ।

करेन्ट लागेर गम्भीर घाइते भएकी खातुनलाई प्रादेशिक अस्पताल गौरमा उपचारका लागि लगिएको थियो । तर, साँझ ५ बजे डाक्टरले मृत घोषणा गरेको जिल्ला प्रहरी प्रवक्ता डीएसपी दीपक कुमार रायले बताए ।

मृतकको शव पोष्टमार्टमका लागि प्रादेशिक अस्पताल गौरमा राखिएको तथा घटनाबारे अनुसन्धान भइरहेको रौतहट प्रहरीले जनाएको छ ।