विशेष अदालतद्वारा पूर्वसचिवसहित तीन जना भ्रष्टाचार मुद्दामा दोषी ठहर

काठमाडौं । मधेश सरकारको भूमि व्यवस्था, कृषि तथा सहकारी मन्त्रालयकी तत्कालीन सचिव डा. नम्रता सिंह, कृषि ज्ञान केन्द्र धनुषाका तत्कालीन प्रमुख शंकरप्रसाद साह र युवरानी मत्स्य तथा कृषि फार्मका सञ्चालक लक्ष्मीनारायण साह भ्रष्टाचार मुद्दामा दोषी ठहर भएका छन् ।

विशेष अदालतको बिहीबारको इजलासले उनीहरूलाई एक–एक वर्ष कैद, २५–२५ लाख जरिवाना र सोही रकम बिगो असुलको फैसला सुनाएको छ । अख्तियार दुरुपयोग अनुसन्धान आयोगले गत पुसमा नक्कली कागजातका आधारमा एक करोड कृषि अनुदान भुक्तानी गरेको अभियोगमा मुद्दा दायर गरेको थियो ।

अदालतले फार्मबाट थप २५ लाख जरिवाना असुल गरी पीडित राहत कोषमा जम्मा गर्न आदेश दिएको छ । यही मुद्दामा अन्य पाँच कर्मचारीले भने सफाइ पाएका छन् ।

रातोचन्द्रसुर्य डेस्क

प्रकाशित: 2025-06-06

सम्बन्धित शीर्षकहरु