पीएसजीलाई पहिलो पटक च्याम्पियन्स लिगको उपाधि

काठमाण्डौ । पेरिस सेन्ट जर्मेइन (पीएसजी) ले पहिलो पटक यूईएफए च्याम्पियन्स लिगको उपाधि जितेको छ । इन्टर मिलानलाई ५–० गोलले हराउँदै पीएसजी पहिलो पटक च्याम्पियन बनेको हो ।

पीएसजीका डिजेर डुवेले २, आक्राफ हाकिमी, ख्विचा क्वारात्स्खेलिया, सेनी मायुलुले समान १ गोल गरे । पीएसजीले यसपटक अन्तिम १६ मा लिभरपुललाई, क्वाटरफाइनलमा एस्टन भिल्लालाई र सेमिफाइनलमा आर्सनललाई हराउँदै फाइनल यात्रा तय गरेको थियो ।

यसअघिको सन् २०२० मा पीएसजीले च्याम्पियन लिग फाइनल खेलेको थियो । त्यति बेला टोली बायर्न म्युनिखसँग १–० ले पराजित भएको थियो । इन्टरले यसअघि तीन पटक उपाधि जितेको थियो ।

Sudina Shrestha

प्रकाशित: १९ जेष्ठ २०८२, आईतवार ०८:०३

सम्बन्धित शीर्षकहरु