काठमाडौं । गम्भीर दुर्घटनामा परी स्पाइनल इन्जुरी भएका गोरखाका बिकास श्रेष्ठको उपचारका लागि आर्थिक अभाय भएकाले सहयोगका लागि अपिल गरिएको छ । भिमसेनथापा गाउँपालिका–८ अमलाभञ्ज्याङ्ग निवासी श्रेष्ठको उपचारका लागि आर्थिक अभाव भएका कारण सहयोगको अपिल गरिएको हो ।

गत २०८१ माघ २० गते गोरखाको भीमसेन गाउँपालिका वडा ८ मा कामको निरीक्षणका क्रममा कामदारले फालेको कंक्रिटको बोराले लागेर श्रेष्ठ गम्भीर घाइते भएका थिए । त्यसपछि उपचारको क्रममा श्रेष्ठलाई स्पाइनल इन्जुरी भएको थाहा भएको थियो । हाल उनको स्पाइनल इन्जुरी पुर्नस्थापना केन्द्र, बनेपामा उपचार भइरहेकोे छ ।

तर, आर्थिक अभावका कारण उपचारमा समस्या भइरहेको परिवारका सदस्यले बताएको छ । उनलाई सहयोग गर्न इच्छुक महानुभावल एभरेष्ट बैंकको खाता नम्बर ०२०००५०१२१७५०५ (सम्झना श्रेष्ठ/हेमबहादुर श्रेष्ठ)मा सहयोग गर्न सक्नुहुनेछ । साथै, ९७६८९०८२६२ मा सम्पर्क गर्न सक्नेछन् । प्राप्त भएको सहयोग रकमको रसिद पनि काटिने छ ।