अभिनेत्री नोरा फतेहीको काठमाण्डौमा प्रस्तुति

काठमाण्डौ । भारतीय अभिनेत्री तथा नृत्याङ्गना नोरा फतेहीले नेपाली कलाकारहरूसँगै काठमाण्डौमा प्रस्तुति दिएकी छन् । नोरासँगै नेपाली कलाकारहरू दुर्गेश थापा, तेरिया फौजामगर, समर्पण लामा, प्रोसेस पाण्डे लगायतको प्रस्तुतिले हायात होटलको मैदान रौनकमय बन्यो । नोराले आफ्नो टोलीसँगै नाचेर दर्शकहरूलाई पनि नचाएकी छन् ।

शिक्षाबाट वञ्चित बालबालिकाको क्षेत्रमा काम गर्दै आएको सामाजिक संस्था ‘ह्युमन रेस्पेक्ट नेपाल’को सहयोगार्थ आयोजना भएको ‘नोरा फतेही लाइभ इन नेपाल’ कार्यक्रममा उनले विभिन्न बलिउड गीतमा कम्मर मर्काएर नाचेकी हुन् । उनी यूएईबाट हिजो नेपाल आएकी हुन् । उनको नृत्य टोलीमा रहेका अन्य २३ सदस्य अस्ति नै नेपाल आइसकेका थिए ।

रातो चन्द्रसुर्य डेस्क

प्रकाशित: ५ जेष्ठ २०८२, आईतवार ०९:००

सम्बन्धित शीर्षकहरु