काठमाडौं । नेपालक्यान्सर निवारण प्रतिष्ठान (एनसीएनपी) ले जनचेतनामूलक वार्षिक नयाँ वर्ष २०८२ को क्यालेण्डर प्रकाशन गरेको छ । उक्त क्यालेण्डरको काठमाडौंमा एक समारोहबीच प्रतिनिधिसभाकी उपसभामुख इन्दिरा राना मगरलगायत अन्य सेलिब्रेटिहरुले संयुक्त रुपमा सार्वजनिक गरेको थियो ।

शनिबार काठमाडौं, महाराजगञ्जस्थित मण्डला नर्लिङ लर्ड होटलमा आयोजित कार्यक्रममा क्यालेण्डर सार्वजनिक गर्दै उपसभामुख रानाले नेपालक्यान्सर निवारण प्रतिष्ठानको क्रियाकलाप र गतिविधिहरुको प्रशंसा गरिन् ।

उक्त क्यालेण्डर नेपालको सबैभन्दा ठूलो र विश्वसनीय कुरियर नेपाल क्यान मुभद्वारा, नेपाल अधिराज्यभरको ७७ जिल्लाहरु, वाणिज्य बैंकहरु, विदेशी कुटनीतिक कार्यालयहरु, राजदूतावासहरु, उपत्यकका नगरकार्यालयहरु, सरकारी कार्यालयहरु, मन्त्रालयहरु, हस्पीटलहरुलाई निःशुल्क वितरण गरिएको थियो ।

यसरी यस प्रतिष्ठानले क्यान्सरको जनचेतना अभिबृद्धि गराउनको लागि सद्भावनादूतहरु वर्तमान मिस नेपाल, पूर्व मिस नेपालहरुबाट क्यान्सर सम्बन्धिआ–आफ्नो सचेतनात्मक धारणा व्यक्त गरेका थिए ।