भन्सार विधेयक र केही नेपाल ऐनलाई संशोधन गर्ने विधेयक प्रतिनिधिसभाबाट पारित

काठमाण्डौ । प्रतिनिधिसभा मंगलबारको बैठकले ‘भन्सारसम्बन्धी कानूनलाई संशोधन र एकीकरण गर्न बनेको विधेयक २०८१’ र ‘केही नेपाल ऐनलाई संशोधन गर्ने विधेयक २०८१’ बहुमतले पारित गरेको छ ।

भन्सारसम्बन्धी विधेयक उपप्रधान एवम् अर्थमन्त्री विष्णुप्रसाद पौडेल र केही नेपाल ऐनलाई संशोधन गर्ने विधेयक कानून, न्याय तथा संसदीय मामिलामन्त्री अजयकुमार चौरसियाले पारित गरियोस् भनी प्रस्ताव पेश गरेको थियो ।

अब यी विधेयक राष्ट्रियसभामा जानेछन् । राष्ट्रियसभाले पारित गरेपछि पुनः प्रतिनिधिसभामा आउनेछन् र सभामुख हुँदै राष्ट्रपतिकहाँ पुगेपछि राष्ट्रपतिले प्रमाणीकरण गरेसँगै ऐनका रूपमा कार्यान्वयनमा आउनेछन् । प्रतिनिधिसभाको बैठक आउँदो शुक्रवारसम्मका लागि स्थगित भएको छ ।

Sudina Shrestha

प्रकाशित: १७ बैशाख २०८२, बुधबार ०८:३४

सम्बन्धित शीर्षकहरु