अन्तर्राष्ट्रिय खेलकुद विकास तथा शान्ति दिवस स्वयम्भूमा दीप प्रज्वलन कार्यक्रमद्वारा मनाइयो

काठमाडौं । अन्तर्राष्ट्रिय खेलकुद विकास तथा शान्ति दिवसको अवसरमा नेपाल ओलम्पिक कमिटीले ६ अप्रिल २०२५ का दिन स्वयम्भू मन्दिर परिसरमा विशेष “दीप प्रज्वलन कार्यक्रम” आयोजना गर्‍यो।

विश्व शान्तिको प्रतीक मानिने स्वयम्भू मन्दिरमा साँझ ५:०० बजे सुरु भएको कार्यक्रममा खेलकुदको माध्यमबाट समाजमा विकास र शान्तिको सन्देश प्रवाह गर्ने उद्देश्य रहेको थियो। कार्यक्रममा विभिन्न खेल क्षेत्रका प्रतिनिधिहरू, खेलाडीहरू तथा सरोकारवाला निकायका व्यक्तिहरूको उपस्थिति रहेको थियो।

दीप प्रज्वलनमार्फत शान्तिको प्रकाश फैलाउने यो कार्यक्रमले खेलकुदले ल्याउने सकारात्मक परिवर्तन र सामाजिक सद्भावलाई सशक्त बनाउने सन्देश दिएको आयोजकले जनाएका छन्।

तस्बिर : राजेन्द्र चित्रकार

Sudina Shrestha

प्रकाशित: २४ चैत्र २०८१, सोमबार ११:३३

सम्बन्धित शीर्षकहरु