
एजेन्सी । राष्ट्रिय हवाई यातायात तथा अन्तरिक्ष प्रशासन (नासा) का अनुभवी अन्तरिक्ष यात्री सुनिता विलियम्स र बुच विल्मोरले २८६ दिनको लामो अन्तरिक्ष यात्रा पूरा गरी बुधबार पृथ्वीमा फर्किएका छन् ।
उनीहरू स्पेसएक्स को क्रू–९ ड्«यागन अन्तरिक्ष यानमा फ्लोरिडाको मेक्सिको खाडीमा अवतरण गरे । यो मिशनमा नासा का निक हेग र रोस्कोस्मसका एलेक्सान्डर गोर्बुनोभ पनि सहभागी थिए । सुनिताको यो यात्राले उनको कुल अन्तरिक्ष समय ६०८ दिन नाघेको छ ।
सुनिता र बुच जुन ५, २०२४ मा बोइङ स्टारलाइनरमा आठ दिनको परीक्षण मिशनका लागि अन्तर्राष्ट्रिय अन्तरिक्ष स्टेशन (आईएसएस) गएका थिए। तर, स्टारलाइनर मा थ्रस्टर खराबी र हेलियम चुहावटका कारण उनीहरूको फिर्ती सम्भव भएन । नासाले सेप्टेम्बर २०२४ मा स्टारलाइनरलाई चालक दलबिना फर्काएको थियो ।
स्पेसएक्स को ड्र्यागन मार्च १८ मा आईएसएसबाट छुटेर १७ घण्टाको यात्रापछि फ्लोरिडामा अवतरण गरेको गर्यो । सुनिता बाहिर निस्किँदा हात हल्लाउँदै, मुस्कुराउँदै गरेको देखिइन् । उनलाई स्वास्थ्य जाँच र पुनर्वासका लागि ह्युस्टन लगिएको छ ।
रातो चन्द्रसुर्य डेस्क
प्रकाशित: ६ चैत्र २०८१, बिहीबार ०९:२७
कङ्गोमा डुङ्गामा आगलागी हुँदा एक सय ४३ जनाको मृत्यु

उपसभामुखहरूको सम्मेलनबाट ७ बुँदे जनकपुर घोषणापत्र २०८२ जारी

राप्रपाले प्रदर्शनले निषेधित क्षेत्र तोडे कारबाही गर्ने गृह मन्त्रालयको चेतावनी

परराष्ट्रमन्त्री आरजु देउवा आज बैंकक जाँदै

हिमालय एअरलाइन्सद्धारा प्रयास नेपालका बालबालिकालाई शैक्षिक सामग्री प्रदान

निषेधित क्षेत्रमा प्रदर्शन गरेर सामूहिक रूपमा थुनामा जान तयार छौं: लिङ्देन
