मोरङमा आगलागी हुँदा दुई बालबालिकाको मृत्यु

विराटनगर । मोरङको धनपालथान गाउँपालिकामा आगलागी हुँदा जलेर दुई बालबालिकाको मृत्यु भएको छ । धनपालथान ६ को कदमा गाउँमा मंगलबार दिउँसो देखि सुरु भएको आगलागीमा परी दुई बालबालिकाको मृत्यु भएको प्रहरीले बताएको छ । प्रहरीका अनुसार मृतक बालबालिकाको परिचय भने खुलेको छैन ।

आगलागीका कारण हालसम्म ८ घर जलेर नष्ट भइसकेका छन् । चर्को घाम र हावाहुरीका कारण आगलागी नियन्त्रणमा समस्या भएको मोरङ प्रहरीका प्रवक्ता वेदप्रकाश जोशीले जानकारी दिए । आगलागीबारे थप अनुुसन्धान भइरहेको प्रहरीले जनाएको छ ।

Sudina Shrestha

प्रकाशित: ४ चैत्र २०८१, मंगलवार १५:३८

सम्बन्धित शीर्षकहरु