बुटवल, रुपन्देहीमा जारी सुनगाभा सैनामैना गोल्डकप फुटबल प्रतियोगितामा आयोजक मुर्गिया र भारतको सिक्किम डिजोङ्ग्री फुटबल क्लबबिच भएको खेलमा १–० गोल अन्तरले जित निकाल्दै मुर्गिया फुटबल क्लब सेमिफाइनलमा प्रवेश गरेको हो ।

प्रतिस्पर्धात्मक खेलमा मुर्गियाका एरोन थापाले ८६औँ मिनेटमा गरेको गोल नै निर्णायक बन्यो । घरेलु मैदानमा उत्रिएको मुर्गियाले डिजोङ्गीलाई दोस्रो हाफको अतिरिक्त समयमा गोलविहीन बनाउन सफल रह्यो । खेलको पहिलो हाफमा भने दुवै टिमले बारम्बार गोल गर्न प्रयास गरेपनि गोल गर्न भने सकेनन् । सैनामैनाको फुटबल रंगशालामा भइरहेको खेलमा आज मुर्गिया फुटबल क्लबका एरोन थापा म्यान अफ दि म्याच घोषित भए ।

फागुन २८ गतेसम्म सञ्चालन हुने प्रतियोगितामा शनिबार कपिलवस्तु ११ र फर्साटिकर फुटबल क्लबबिच दिउसो ३ बजे प्रतिस्पर्धा हुने खेल संयोजक अशोक खड्काले जानकारी दिए ।