मोटरसाइकलको ठक्करबाट पैदलयात्रीको मृत्यु

भक्तपुरमा मोटरसाइकलले ठक्कर दिँदा एक पैदलयात्रीको मृत्यु भएको छ। तीनजना घाइते भएका छन्। मोटरसाइकलले ठक्कर दिँदा भक्तपुर नगरपालिका–७, गोल्मढीकी ७० वर्षीया तुलसीमाया तुसिबाखको मृत्यु भएको प्रहरी वृत्त जगातीले जनाएको छ। जगातीबाट साँगातर्फ जाँदै गरेको बा४१प ३३४ नंको मोटरसाइकलले सूर्यविनायक नगरपालिका–८, जगाती पुलनजिकै ठक्कर दिँदा तुसिबाखको मृत्यु भएको हो।

सोही मोटरसाइकलको ठक्करबाट अन्य तीनजना घाइते भएका छन्। मोटरसाइकलचालकलाई प्रहरीले नियन्त्रणमा लिएर अनुसन्धान थालेको छ।

Sudina Shrestha

प्रकाशित: १८ फाल्गुन २०८१, आईतवार २२:५५

सम्बन्धित शीर्षकहरु