दोलखा । दोलखाको कालिञ्चोक र शैलुङ क्षेत्रमा हिमपात भएको छ । शुक्रबार रातिदेखि कालिञ्चोकको कुरी तथा आसपासको क्षेत्रमामा हिमपात भएपछि दर्शन गर्न गएका भक्तजन रमाइरहेका छन् ।हिमपात भएसँगै होटल व्यवसायी खुसीले दंग भएका छन् । यो यो क्षेत्रले हिउँले सेताम्मै बनेको छ ।

कालिञ्चोक दर्शन र प्राकृतिक क्षेत्र भ्रमणका लागि कालिञ्चोक पुगेका पर्यटकहरु हिउँमा रमाइरहेका होटल सुनापाति कुरीका सञ्चालक हरी वलीले बताए । पुस र माघ महिनामा हिमपात नभएको ३ हजार ८ सय ४२ मिटर उचाइमा रहेको कालिञ्चोक क्षेत्रमा फागुन १६ गते बेलुका पहिलोपटक हिमपात भएको थियो भने शनिबार बिहानैदेखि हिमपात भइरहेको छ ।

यस्तै, शैलुङ क्षेत्रमा पनि शुक्रबारदेखि हिउँ परिरहेको स्थानीयले बताएका छन् । जिल्लाका पर्यटकीय स्थल कालिन्चोक, शैलुङ, चेर्दुङ, खरीढुङ्गा लगायतका स्थानमा हिमपात हुँदा पर्यटकहको वृद्धि हुने गरेको । हिमपात नहुँदा हिमाली क्षेत्रका कृषक तथा होटल व्यवसायी चिन्तित बनेका थिए ।