क्यानडाको टोरन्टोमा ८० जना सवार विमान दुर्घटना

काठमाडौं, एजेन्सी । क्यानडाको टोरेन्टोमा ८० जना सवार विमान दुर्घटना भएको छ । मिनियापोलिसबाट आएको सो विमान टोरन्टो पियर्सन अन्तर्राष्ट्रिय विमानस्थलमा अवतरण गर्ने क्रममा दुर्घटना भएको हो ।

दुर्घटनामा ३ जना गम्भीर घाइते भएका छन् भने १२ जनालाई सामान्य चोटपटक लागेको छ । गम्भीर घाइते हुनेमा एक बालक, ४० वर्षीया महिला र ६० वर्षीय पुरुष छन् । विमानमा ७६ यात्रु र चालक दलका चार सदस्य गरी ८० जना सवार थिए ।

सबैलाई विमानबाट निकालेर सुरक्षितस्थानमा राखिएको अमेरिकी संघीय उड्डयन प्रशासनले जनाएको छ । प्रहरीले दुर्घटनाको वरपरको अवस्थाबारे केही बताएको छैन । विमान दुर्घटनापछि २६ उडान डाइभर्ट गरिएका छन् ।

रातोचन्द्रसुर्य डेस्क

प्रकाशित: 2025-02-18

सम्बन्धित शीर्षकहरु