काठमाडौं । बालक अपहरण गरेको आरोपमा एक भियतनामी नागरिक पक्राउ परेका छन् । ललितपुर महानगरपालिका–१२ स्थित पाटनबाट ४ वर्षीय बालक जिरे भन्ने पल चेपाङलाई अपहरण गरेको आरोपमा प्रहरीले भियतनामी नागरिक माई होङ्ग किन्हालनलाई प्रक्राउ गरेको हो । आफ्नो छोरा अपहरणमा परेको भन्दै उनकी आमाले माघ २४ गते राति ८ बजेर २० मिनेट जाँदा प्रहरीमा जाहेरी दिएकी थिइन् । उनकी आमाले जानकारी गराएपछि बालकलाई कलंकीस्थित मेचि गेष्ट हाउसबाट उद्धार गरिएको उपत्यका अपराध अनुसन्धान कार्यालयले जनाएको छ ।

प्रहरीका अनुसार आरोपीले सो गेस्टहाउसमा बन्धक बनाएका बालकलाई पञ्जाव लैजाने तयारी गरेका थिए । उद्धार गरिएका बालकलाई पाटन अस्पतालमा उपचार गराई अवस्था सामान्य रहेको खुलेपछि परिवारको जिम्मा लगाइएको प्रहरीले जनाएको छ ।