
काठमाडौं (एजेन्सी) । दक्षिण मेक्सिकोमा बस र ट्रक ठोक्किँदा ४१ जनाको मृत्यु भएको छ । टाबास्को राज्यको सरकारले दिएको जानकारी अनुसार यो दुर्घटना शनिबार बिहान भएको हो ।
४८ जना सवार बस एक ट्रेलर ट्रकसँग ठोक्किएको थियो । दुर्घटनामा बसमा सवार ३८ जना यात्रुका साथै बसका दुई चालकको मृत्यु भएको स्थानीय अधिकारीहरूले बताएका छन् । ट्रक चालकको दुर्घटनामा निधन भएको छ ।
रोयटर्सको तस्बिरमा दुर्घटनापछि बस पूर्णरुपमा जलेको छ । ठक्करपछि बसमा आगलागी भएको थियो । मृत्यु भएकाहरूको सनाखतको प्रयास भइरहेको स्थानीय अधिकारीहरूको भनाई छ ।
बस सञ्चालक टुरस् आकोस्टाले बस कानकुनबाट टाबास्को गइरहेको बताएको छ । उसले दुर्घटनाप्रति दुःख व्यक्त गर्दै यसको कारण पत्ता लगाउन अधिकारीहरूसँग सहकार्य गरिरहेको जानकारी दिएको छ ।
रातो चन्द्रसुर्य डेस्क
प्रकाशित: २७ माघ २०८१, आईतवार १०:२६
भाटभटेनी लुट्नेहरूसँग एक्लै प्रतिकार गरेका सुरक्षाकर्मी ५ लाखसहित सम्मानित

नेपालमा क्यालेन्डर प्रदर्शनी आयोजना गरिँदै, पर्यटकीय स्थलहरूको प्रवर्द्धन गर्ने लक्ष्य

आज ६ संसदीय समितिको बैठक बस्दै

उच्च वायु प्रदूषणका कारण बिरामीको चाप बढ्यो, मास्क लगाउन अनुरोध

तीनकुने घटनाः थप सात जना पक्राउ

नेपाल र थाइल्यान्डबिच आठ समझदारीपत्रमा हस्ताक्षर
