केबलकार निर्माणविरुद्ध प्रदर्शन गर्दा पक्राउ परेका रिहा

काठमाडौं । ताप्लेजुङको पाथीभरा क्षेत्रमा केबलकार निर्माणविरुद्ध प्रदर्शन गर्दा पक्राउ परेका १७ जना रिहा भएका छन् ।

माघ १२ गते बलुडाँडा र त्यसपछि झापाको दमक तथा सुनसरीमा भएको प्रदर्शनका क्रममा पक्राउ परेका सबै १७ मध्ये जना ताप्लेजुङबाट ३, झापा दमकबाट ८ जना र धरानबाट ६ जना थुनामुक्त भएका हुन् । क्रिाउ परेका उनीहरुमाथि प्रहरीले अभद्र व्यवहार सम्बन्धी कसुरमा मुद्दा चलाएको थियो ।

जिल्ला प्रशासन कार्यालयको निर्णय अनुसार पक्राउ परेका सबैजनालाई रिहा गरिएको कोशी प्रदेश प्रहरी कार्यालयका प्रवक्ता (एसएसपी) भीमबहादुर दाहालले जानकारी दिए । महिचानबादी मोर्चाका जिल्ला संयोजकसमेत रहेका प्रदीप मादेन, लक्ष्मण लिम्बू, चन्द्रसागर लिम्बु लगायत पक्राउ परेका थिए ।

Sudina Shrestha

प्रकाशित: २४ माघ २०८१, बिहीबार १३:५५

सम्बन्धित शीर्षकहरु