काठकाडौं । व्यवसायी वर्षा कुवरले ‘मिसेस ब्युटी क्विन नेपाल सिजन ७ को ताज जितेकी छन् । सिजन मिडियाले आयोजित प्रतियोगितामा १३ जना प्रतिस्पर्धीलाई पछि पार्दे कुवरलेले ताज पहिरिएकी हुन् ।

बानेश्वरमा विभिन्न व्यवसायहरू गर्दै आएकी उनले मिसेज पपुलर तथा सम्बन्ध मिसेस पर्सनालिटीको उपाधिसमेत प्राप्त गरिन् । उनले रेफ्रिजेनेटर, लेटमिइनको तर्फबाट ५० हजार बराबरको गिफ्ट भौचर र डम डाइनामिकबाट २० हजारको गिफ्ट भौचर साथै अन्य उपहारहरू प्राप्त गरिन् ।

यस्तै करुणा वि.क फष्ट रनरअप भइन् । उनले मस्ट ट्यालेन्टको टाइटल अवार्ड पनि हात पार्न सफल भइन् । उनले ३२ इन्चको टीभि, लेटमिइनको तर्फबाट ३० हजारको गिफ्ट भौचर प्राप्त गरिन् ।

प्रतियोगितामा सेकेन्ड रनरअप रिन्जु कुसवहा भइन् । उनले फोटोजेनीकको पनि उपाधि जित्न सफल भइन् । थर्ड रनरअप सिवानी मित्र र चौथो रनरअप उर्मीला कनौजिया मगीया भइन् । अर्गनाइजर च्वाइसको उपाधि भने अन्जु क्षेत्रीले जितिन् ।

प्रतियोगिताका अन्य विधामा अनिता देवि साहले फ्रेन्डली उपाधि जितिन् । त्यस्तै, सविता पन्त इनोसेन्ट, कान्छीमाया खयमली क्रियटिभ, अम्विका गजमेर भियोर्स च्वाइस, भावना ऐडी ब्युटिफुल स्माइल, रुकमती भण्डारी लिडरसिप, अरुना घिमिरे मिसेज इनरजेटीक र हिरादेवी श्रेष्ठले ब्युटिफुल अवार्ड पाएकी थिइन् ।

कार्यक्रममा उपसभामुख इन्दिरा रानाले यस्ता प्रतियोगिताले बिबाहित महिलाहरूको सौन्दर्य साथै आन्तरिक क्षमता, आत्मविश्वास साथै महिलाहरूको नेतृत्वमा थप बल पुग्ने विश्वास व्यक्त गरिन् ।