
काठमाडौं । नेकपा (माओवादी केन्द्र) का अध्यक्ष पुष्पकमल दाहाल प्रचण्डले नेता, भूमाफिया र दलालहरूले जनताको पसिना नराम्रोसँग चुस्ने गरेको बताएका छन् । मंगलबार म्याग्दीको बेनीमा आयोजित खबरदारी सभालाई सम्बोधन गर्दै अध्यक्ष प्रचण्डले भ्रष्टाचारमा राजनीतिक दलका नेता राम्रैसँग मुछिने गरेको बताउँदै सो कुरा बताएका हुन् ।
‘जति दिन सिंहदरबारमा रहन्छु, एउटा रेकर्ड बनाउने मेरो प्रयास हुनेछ भनेको थिएँ । त्यसको निम्ति सबैभन्दा ठूलो कुरा यो देशलाई सधैँ पछि पार्ने बिडम्बना भनेको, विकृति भनेको भ्रष्टाचार नै हो ‘, उनले भने, ‘भ्रष्टाचारमा राजनीतिक दलका नेता पनि राम्रैसँग मुछिने गरेको, भूमाफिया र दलालहरूले त जनताको पसिना नराम्रोसँग चुस्ने गरेको रहेछ ।’
त्यस्तै, प्रचण्डले आफू दोस्रो र तेस्रोपटक प्रधानमन्त्री हुँदा गरिबी र भ्रष्टाचारमा मुछिएकाहरूबारे राम्रोसँग अनुभव गर्न पाएको बताए । प्रचण्डले राजनीतिक दलका नेता, भूमाफिया र दलालहरूले देशको सुशासनविरुद्ध खेलिरहेको थाहा पाएको बताए ।
प्रचण्डले भने, ‘मैले दोस्रो र तेस्रो पटक प्रधानमन्त्री हुँदा नेपाल र नेपाली जनतालाई गरिबी र भ्रष्टाचारमा राख्ने को हुन भन्ने बुझेँ, देखेँ । यीनीहरूविरुद्ध एउटा नयाँ आन्दोलन मैले छेड्नैपर्छ । हजारौं नयाँ बेपत्ताहरूको सपना, समाजमा भएका विभेद र विकृतिविरुद्ध, सुशासनका पक्षमा र भ्रष्टाचारका विरुद्ध मैले नलडे कसले लड्छ भन्ने लाग्यो ।’
रातो चन्द्रसुर्य डेस्क
प्रकाशित: २२ माघ २०८१, मंगलवार १७:४३
Nepal lost to Namibia by 23 runs

विपिन जोशीको रिहाइका लागि प्रधानमन्त्री ओलीले इजिप्टका राष्ट्रपतिसँग आज साँझ भएको टेलिफोन संवादमा थप पहल गरिदिन आग्रह गरे

काठमाडौँ उपत्यकामा हावाहुरीसहित हल्का वर्षा

नेक्स मोडल एजेन्सीका सन्चालक रवि धमलाको अध्यक्षतामा ११ सदस्य नयाँ कार्यसमिति चयन

शब्दयात्रा प्रकाशनले माधव वियोगीलाई कविताकाव्य सम्मान समर्पण गर्ने

राजावादीहरूको चहलपहलमा देश बाहिरको पनि चलखेल छ: प्रचण्ड
