
काठमाडौं । संघीय संसद सचिवालय अन्तर्गत प्रशासन महाशाखाको सूचना तथा अभिलेख व्यवस्थापन शाखाले संसदीय रिपोर्टिङ गर्ने नयाँ पत्रकारहरूका लागि एकदिने अभिमुखीकरण कार्यक्रम सम्पन्न गरेको छ।

कार्यक्रममा सहसचिव एवं प्रवक्ता एकराम गिरीले संसदीय रिपोर्टिङका आधारभूत पक्ष, व्यावसायिकता, ध्यान दिनुपर्ने विषयहरू तथा संसद र संसद अन्तरसत्रीय व्यवस्थापनबारे जानकारी गराएका थिए।

त्यसपछि पूर्वसचिव ध्रुव प्रसाद घिमिरेले संसदको कार्यप्रणाली, संसदीय प्रक्रिया र चरणहरू, संसद र समितिहरूको भूमिका तथा सिफारिस प्रस्तावहरूबारे विस्तृत जानकारी दिएका थिए।

सूचना तथा अभिलेख व्यवस्थापन शाखाका उपसचिव एवं सूचना अधिकारी साबित्रा शर्मा तथा सेवासुविधा व्यवस्थापन शाखाका प्रतिनिधिले पत्रकारहरूसँग अन्तरक्रिया गर्दै सम्बन्धित विषयमा जानकारी प्रस्तुत गरेका थिए।

कार्यक्रमको अन्त्यमा सचिव (प्रशासन) डा. रोजनाथ पाण्डेले मन्तव्यसहित समापन गरेका थिए।
संसदीय रिपोर्टिङलाई प्रभावकारी बनाउने उद्देश्यका साथ आयोजित यो अभिमुखीकरण कार्यक्रम नयाँ पत्रकारहरूका लागि मार्गदर्शक हुने अपेक्षा गरिएको छ।
Sudina Shrestha
प्रकाशित: २१ माघ २०८१, सोमबार ११:२३
कवि युबराज अधिकारीको ‘युद्ध, युद्ध नै हुन्छ ‘ कविता कृतिको लोकार्पण सम्पन्न

दैलेखको जलजलेमा मिथेन ग्यासको विशाल भण्डारण भएको पुष्टि

थई प्रधानमन्त्रीको पद धरापमा

लाङटाङ राष्ट्रिय निकुञ्जमा फोहोर व्यवस्थापन गर्ने दिगो तरिका

Rabi Lamichhane calls for constitution rewrite and end to federalism

बाढीले दाङमा बीच टापुमा फसेकी बालिकाको उद्धार
