काठमाडौँ । गायिका एलिना चौहानले सम्बन्धविच्छेदको मुद्दा दायर गरेका छन् । गायिका चौहानले आफूमाथि विष्णु सापकोटाले शंका उपशंका गरेको, काममा बाधा दिएको, चरित्रमाथि शंका गरेको भन्दै काठमाडौँ जिल्ला अदालतमा वारेस विष्णुप्रसाद खरेलमार्फत मुद्दा दायर गरेका हुन् ।

चौहानले माना चामल नलिने गरी मुद्दा दायर गरेका छन् । तर बिहे गर्दाका गरगहना भने फिर्ता नगर्ने उनको दाबी छ । चौहानले गत वैशाखमा बागलुङ निवासी विष्णु सापकोटासँग विवाह गरेका थिए ।

चौहान र सापकोटाबीच लामो समय प्रेम सम्बन्धपछि बिहे भएको थियो । तर बिहेपछि अस्ट्रेलिया गएका चौहान काठमाडौं फर्किएपछि उनीहरूबीच राम्रो सम्बन्ध नरहेको चर्चा थियो ।