काठमाडौं । राष्ट्रपति रामचन्द्र पौडेलले विकास र समृद्धिको आकांक्षा पूरा गर्नतर्फ अग्रसर भएमा शहीदप्रति सच्चा श्रद्धाञ्जली हुने बताएका छन् । शहीद दिवसका अवसरमा शुभकामना दिँदै राष्ट्रपति पौडेलले महान् शहीदहरूको बलिदानद्वारा प्राप्त संघीय लोकतान्त्रिक गणतन्त्रात्मक शासन व्यवस्थाको माध्यमद्वारा दिगो शान्ति, सुशासन, विकास र समृद्धिको आकांक्षा पूरा गर्ने तर्फ अग्रसर हुनु नै शहीदप्रतिको सच्चा श्रद्धाञ्जली हुने बताएका हुन् ।
त्यसका लागि सबैले आ–आफ्नो तर्फबाट खेल्नुपर्ने भूमिकालाई इमान्दारीका साथ पूरा गर्नमा शहीद दिवसले थप प्रेरणा प्रदान गर्ने उनको विश्वास छ ।‘आफ्नो अमूल्य जीवनलाई जनता र राष्ट्रको हितका खातिर समर्पण गर्नु नै सहादत हो । यस दिवसले सम्पूर्ण राजनीतिक दल, आम जनसमुदाय र सम्बद्ध सबैलाई नेपाल राष्ट्र र नेपाली जनताको स्वाधिनताका लागि सहादत प्राप्त गरेका शहीदहरूको आकांक्षा साकार पार्न मन, वचन र कर्मले समर्पित हुने प्रेरणा र हौसला प्रदान गर्न सकोस् भन्ने कामना गर्दछु’, राष्ट्रपति पौडेलले भनेका छन् ।
नेपाली जनतालाई सार्वभौमसत्ता सम्पन्न नागरिक बनाउन जहाँनिया राणा शासन, पञ्चायती व्यवस्था तथा राजतन्त्रविरूद्ध प्रजातान्त्रिक क्रान्ति एवम् लोकतान्त्रिक जनआन्दोलनमा आफ्नो जीवन बलिदान गर्नेहरूको सम्झनामा हरेक वर्ष माघ १६ गते शहीद दिवस मनाउने गरिन्छ ।
रातो चन्द्रसुर्य डेस्क
प्रकाशित: १६ माघ २०८१, बुधबार ०९:२०
सबै अनुदान सहायता रोक्ने ट्रम्पको निर्णय कार्यान्वयन नगर्न अदालतको आदेश
अखिल (क्रान्तिकारी)को चुनावः प्रचण्डलाई गतिलो धक्का, प्रभाकारको प्रभाव ह्वात्तै
त्रिदेशीय महिला टी–२० आजदेखि
आज सोनाम ल्होसार मनाइँदै
विकासलाई अवरोध गर्ने कार्य स्वीकार्य हुन सक्दैछ: प्रधानमन्त्री ओली
राजीनामा दिने कर्मचारीलाई ८ महिनाको तलब दिने ट्रम्प प्रशासनको प्रस्ताव, १०० अर्ब डलर बचत गर्ने योजना