माघ १८ गते संसद अधिवेशन बोलाउने तयारी

काठमाडौं । संघीय संसदको हिउँदे अधिवेशन यही माघ १८ गतेबाट बोलाउने तयारी गरिएको छ । सत्तारुढ दलका नेताहरूका अनुसार अधिवेशन बोलाउने मितिबारे यसअघिको मन्त्रिपरिषद् बैठकमा समेत छलफल भइसकेको छ ।

एक नेताले भने, ‘अब बस्ने मन्त्रिपरिषद बैठकले अधिवेशन आह्वानको निर्णय गरेर राष्ट्रपतिसमक्ष सिफारिस गर्न सक्छ वा यसअघिको मन्त्रिपरिषदमा भएको छलफलका आधारमा समेत निर्णय भएर राष्ट्रपतिकहाँ सिफारिस जान सक्छ ।’

संसद्को वर्षे अधिवेशन गत भदौ ३१ गते अन्त्य भएको थियो । पाँच महिना पुग्न लाग्दासमेत सरकारले हिउँदे अधिवेशन नबोलाएको भन्दै विपक्षी दलहरूले सरकारलाई खबरदारी गरिरहेका छन् ।

Sudina Shrestha

प्रकाशित: ६ माघ २०८१, आईतवार १३:१९

सम्बन्धित शीर्षकहरु