बालगायक सचिन परियारको निधन

काठमाडौँ। बालगायक सचिन परियारको निधन भएको छ। महाराजगञ्जस्थित टिचिङ अस्पतालमा उपचारको क्रममा उनको बिहिबार बिहान निधन भएको हो। हास्य श्रृखला ‘मेरी बास्सै’मा पनि अभिनय गरेका उनको ‘रातो रबर एक’, ‘रुमाल खस्छकी’, ‘के छ र हजुर’, ‘बरको छाँयाले’ लगायत गीत चर्चित छन्।
सचिनका बाबु तेजेन्द्र परियार कलौटेले छोराको उपचारमा आर्थिक अभाव भएको बताउँदै आएका थिए। सचिनको शव अस्पतालबाट निकालिएको छैन। बाबु र परिवारका सदस्यहरु अस्पतालमा छन्।
मिठो बोली र अनौठो हाउभाउले भाइरल बनेका सचिन सानैदेखि शारीरिकरूपमा अस्वस्थ्य कमजोर थिए। पछिल्लो समय उनी सडकमा मानिसहरुसँग पैसा मागेर हिँडिरहेका देखिन्थे। बुवा तेजेन्द्र परियारले छोराको उपचारका लागि उठेको सहयोग दुरुपयोग गरेको आरोप समेत लाग्दै आएको छ।

रातोचन्द्रसुर्य डेस्क

प्रकाशित: 2025-01-02

सम्बन्धित शीर्षकहरु