Rato Chandrasurya

५ किलो सात सय ग्राम सुनसहित तीन जना विदेशी नागरिक पक्राउ

काठमाण्डौ । त्रिभुवन अन्तर्राष्ट्रिय विमानस्थलबाट ५ किलो ७ सय ग्राम सुनसहित तीन जना विदेशी नागरिक पक्राउ परेका छन् । एयर अरेबियाको विमानमार्फत शारजाहबाट आएका एक चिनियाँ र म्यानमारका दुई जना नागरिक सुनसहित पक्राउ परेका हुन् ।

सशस्त्र प्रहरीका अनुसार उनीहरुलाई भन्सार ब्यागेज क्षेत्रमा पुनः जाँच गर्ने क्रममा लगेज भित्र राखेको १२ थान स्पिकरमा लुकाइराखेको अवस्थामा सुनसहित पक्राउ गरिएको हो ।

पक्राउ परेका तीनै जनालाई आवश्यक अनुसन्धानको लागि त्रिभुवन अन्तर्राष्ट्रिय विमान स्थल भन्सार कार्यालयमा राखिएको पनि सशस्त्र प्रहरीले जनाएको छ ।

रातो चन्द्रसुर्य डेस्क

प्रकाशित: २१ कार्तिक २०८१, बुधबार ०९:३८

सम्बन्धित शीर्षकहरु