
काठमाडौं । आजदेखि सवारीचालक अनुमतिपत्र (लाइसेन्स) को ट्रायल पास गरेपछि लाइसेन्स चालकको मोबाइलमै आउने भएको छ । कार्ड छपाइ हुन नसकेर वर्षौं कुर्नुपर्ने समस्या भएपछि सरकारले तत्कालका लागि आजदेखि नागरिक एपमार्फत मोबाइलमै डिजिटल लाइसेन्स पठाउन लागेको हो ।
आइतबार औपचारिक कार्यक्रम गरी बागमती प्रदेशमा नागरिक एपबाट डिजिटल लाइसेन्स वितरण गर्न लागिएको बागमती प्रदेशको श्रम, रोजगार तथा यातायात मन्त्रालयले जनाएको छ । प्रधानमन्त्री केपी शर्मा ओलीले शनिबार आफ्नो फेसबुकमार्फत अब लाइसेन्स कार्ड आवश्यक नपर्ने व्यवस्था गरिएको बताएका थिए ।
‘भोलिदेखि बागमती प्रदेश यातायात व्यवस्था कार्यालयबाट परीक्षणका रूपमा यो व्यवस्था सुरु हुने छ । कुनै पनि कामका लागि लाइन बस्नुपर्ने समस्याबाट मुक्त गर्ने तयारीमा हामी लागेका छौँ । राज्यले नागरिकलाई छिटो सेवा प्रवाहमा यसले सहयोग पुग्ने छ भन्ने हामीले आशा राखेका छौँ ।’ प्रधानमन्त्री ओलीले सवारी नियम उल्लङ्घनमा जरिबाना तिर्दा हुने झन्झट पनि हटेको बताएका छन् ।
रातो चन्द्रसुर्य डेस्क
प्रकाशित: ४ कार्तिक २०८१, आईतवार ०९:११
भाटभटेनी लुट्नेहरूसँग एक्लै प्रतिकार गरेका सुरक्षाकर्मी ५ लाखसहित सम्मानित

नेपालमा क्यालेन्डर प्रदर्शनी आयोजना गरिँदै, पर्यटकीय स्थलहरूको प्रवर्द्धन गर्ने लक्ष्य

आज ६ संसदीय समितिको बैठक बस्दै

उच्च वायु प्रदूषणका कारण बिरामीको चाप बढ्यो, मास्क लगाउन अनुरोध

तीनकुने घटनाः थप सात जना पक्राउ

नेपाल र थाइल्यान्डबिच आठ समझदारीपत्रमा हस्ताक्षर
