
बागलुङ । बागलुङ नगरपालिका– ४ बान्द्रे खोलामा गएराति आएको बाढीले मोटरसाइकल र स्कुटर बगाउँदा दुई जनाको मृत्यु भएको छ । कुँडुलेदेखि मालिका जाँदै गरेको ध२प ८०१० नम्बरको मोटरसाइकल र ध १ प ९९९६ नम्बरका स्कुटर बगाउँदा बागलुङ –४ बान्द्रे अढाइथरका २३ वर्षीय अर्जुन सापकोटा र सोही ठाउँका २२ वर्षीय अवेशिक रेग्मीको मृत्यु भएको हो ।
जिल्ला प्रहरी कार्यालय बागलुङका प्रहरी निरीक्षक प्रताप पौडेलले बताए अनुसार एक जना बेपत्ता भएका छन् । बाढीमा परी सोही गाउँका २० वर्षीय कमल सापकोटा बेपत्ता भएको प्रहरी निरीक्षक पौडेलको भनाइ छ । सापकोटा र रेग्मीको शव करिब दुई सय मिटर तल फेलापरेको थियो ।
ती शव परीक्षणका लागि धौलागिरि अस्पताल बागलुङमा लगिएको प्रहरी निरीक्षक पौडेलले जानकारी दिए । बेपत्ता कमलको खोजी भइरहेको छ । अहिले पनि वर्षा भइरहेको हुँदा खोजीमा समस्या भएको जनाइएको छ ।
रातो चन्द्रसुर्य डेस्क
प्रकाशित: २१ भाद्र २०८१, शुक्रबार ०८:५४
शब्दयात्रा प्रकाशनद्वारा ८ जना वाङमयसेवीहरू सम्मानित र ४ वटा पुस्तक विमोचन

५ हजार ७ सय रुपैयाँले बढ्यो सुनको मूल्य, कतिमा हुँदैछ कारोबार ?

ट्रम्पले ९० दिनका लागि रोके पारस्परिक भन्सार शुल्क

शिक्षक महासंघ: वार्ता गर्ने, आन्दोलन नरोक्ने

वर्षा भएसँगै काठमाडौंको वायु गुणस्तरमा सुधार

विदेशमा रहेका नेपालीले राष्ट्रिय परिचयपत्र विना बैंक खाता खोल्न सक्ने
