काठमाडौं । इलाम क्षेत्र २ मा हुने उपनिर्वाचनका लागि एमालेबाट ६ जनाको नाम सिफरिस भएको छ । मंगलबार बसेको एमाले प्रदेश कमिटीको बैठकले स्वर्गीय एमाले नेता सुवासचन्द्र नेम्वाङका छोरा सुहाङ नेम्वाङसहित ६ जनाको नाम केन्द्रमा सिफारिस गर्ने निर्णय गरेको हो ।

सिफारिस हुनेहरुमा स्वर्गीय नेता नेम्वाङका छोरा सुहाङ, नेता बुद्धि खनाल, रवीन्द्र सुवेदी, नरेन्द्रनाथ भट्टराई, देवी दुलाल र रिप्पल राई छन् । प्रदेशबाट सिफारिस भएको नामका आधारमा केन्द्रले उम्मेदवारको टुङ्गो लगाउने छ । सुवास नेम्वाङको निधन भएपछि इलाम– २ मा १५ वैशाखमा उपनिर्वाचन हुँदैछ ।