
चितवन । चितवनमा रोकिराखेको ट्रकमा बस ठोक्किँदा एक जनाको ज्यान गएको छ । रौतहटको गौरबाट पोखरातर्फ जाँदै गरेको बस ट्रक ठोक्किँदा एक जनाको ज्यान गएको हो ।
घाइते भएका बसमा सवार भारत मोतिहारी जिल्ला चम्पारण बस्ने ३७ वर्षीय गौरी दास उपचारका लागि भरतपुरतर्फ ल्याउदै गर्दा बाटोमै मृत्यु भएको डिएसपी श्रीराम भण्डारीले जानकारी दिए ।
दुर्घटनामा ट्रक चालकसहित अन्य चार जना घाइते भएका छन् । घाइतेहरु ट्रक चालक वीरगन्ज–२३ बस्ने ३३ वर्षीय हाकिम मिया, बसमा सवार सर्लाहीको बरहथवा नगरपालिकाको मिलनचोक बस्ने २५ वर्षीया पूजा गुप्ता, भारत सितामढी जिल्ला रमनगरा बस्ने ३२ वर्षीय अम्बरनाथ कुमार र भारतको विहार राज्य मजापुर जिल्ला बस्ने ३९ वर्षीया रिता गुप्ता रहेका छन् । उनीहरुको चितवन मेडिकल कलेजमा उपचार भइरहेको छ ।
इच्छाकामना–६ जलबिरेस्थित नारायणगढ–मुग्लिङ सडक खण्डमा ग १ ख ८५२४ नम्बरको बसले चक्का पंचर भई बाटो छेउमा रोकी राखेको ना ६ ख ३२८० नम्बरको ट्रकलाई ठक्कर दिएको थियो । बस चालक नवलपरासी(सुस्तापुर्व) कावासोती–१४ बस्ने ३९ वर्षीय लक्ष्मण गुरुङलाई नियन्त्रणमा लिइएको डिएसपी भण्डारीले बताइएको छ ।
रातो चन्द्रसुर्य डेस्क
प्रकाशित: ४ चैत्र २०८०, आईतवार ०८:३४
भाटभटेनी लुट्नेहरूसँग एक्लै प्रतिकार गरेका सुरक्षाकर्मी ५ लाखसहित सम्मानित

नेपालमा क्यालेन्डर प्रदर्शनी आयोजना गरिँदै, पर्यटकीय स्थलहरूको प्रवर्द्धन गर्ने लक्ष्य

आज ६ संसदीय समितिको बैठक बस्दै

उच्च वायु प्रदूषणका कारण बिरामीको चाप बढ्यो, मास्क लगाउन अनुरोध

तीनकुने घटनाः थप सात जना पक्राउ

नेपाल र थाइल्यान्डबिच आठ समझदारीपत्रमा हस्ताक्षर
