त्रिशुलीमा नदिमा बस खस्दा ज्यान गुमाउनेको सङ्ख्या ६ पुग्यो

धादिङ । धादिङको घाटबेँसीबाट त्रिशुली नदिमा बस खस्दा ६ जनाको ज्यान गएको छ । जिल्ला प्रहरी कार्यालय धादिङका प्रहरी नायब उपरीक्षक तथा सूचना अधिकारी सन्तुलालप्रसाद जैसवारका अनुसार एक महिलासहित ६ जनाको शव फेला परेको हो ।

ज्यान गुमाउनेको परिचय खुल्न सकेको छैन । यस्तै ३५ जना यात्रुको उद्धार गरिएको छ । उनीहरुको गजुरी प्राथमिक स्वास्थ्य केन्द्र र गजुरी अस्पतालमा उपचार भैरहेको छ ।

कपिलवस्तुबाट काठमाण्डौका लागि छुटेको लु२ख २१२१ नम्बरको बस बिहान ४ बजेतिर धादिङको गजुरी गाउँपालिका–५ घाटबेँसीमा दुर्घटना भएको हो । बसमा ५१ जना यात्रु र चालक रहेको प्रारम्भिक विवरण छ । बसचालक रुपन्देही लुम्बिनी संस्कृति नगरपालिका–९ का ३८ वर्षीय हरिराम हरिजनलाई प्रहरीले पक्राउ गरेको छ ।

रातोचन्द्रसुर्य डेस्क

प्रकाशित: 2024-03-06

सम्बन्धित शीर्षकहरु