
काठमाडौं । आतङ्कवादी समूह हमासले गत शनिबार इजरायलमा गरेको आक्रमणपछि त्यहाँ अलपत्र परेका नेपालीलाई स्वदेश ल्याउन आज बिहान त्यसतर्फ गएको नेपाल एयरलाइन्सको विमान आजै राति ९ बजे फर्किने छ ।
परराष्ट्रमन्त्री एनपी साउद कूटनीतिक समन्वयका लागि नेपाल एयरलाइन्सको विमानमा आज बिहान त्यसतर्फ प्रस्थान गर्नुभएको छ । परराष्ट्र मन्त्रालयका प्रवक्ता सेवा लम्सालका अनुसार नेपाल फर्कन चाहनेहरुलाई लिन दुई सय ५० सिट क्षमताको विमान इजरायल गएको हो ।
उक्त आक्रमणमा परी १० नेपाली विद्यार्थीको निधन भएको थियो भने छ जना घाइते भएका थिए । एक जनाको अवस्था अझै अज्ञात छ । इजरायलस्थित नेपाली राजदूतावासले स्वदेश फर्कन चाहनेहरुको विवरण सङ्कलन गरिरहेको छ ।
शव ल्याउन केही ढिलाइ हुने
इजरायल सरकारले हमाससँग युद्धको घोषणा गरेको अवस्थामा ज्यान गुमाएकाको शव हस्तान्तरणमा कानुनी प्रक्रिया पूरा नभएकाले तत्काल शव ल्याउन कठिन भएको छ । इजरायल सरकारले शल्यपरीक्षणलगायत सबै कानुनी प्रक्रिया पूरा भएपछि यथाशक्य चाँडो शव ल्याइने प्रवक्ता लम्सालले बताउनुभयो ।
रातो चन्द्रसुर्य डेस्क
प्रकाशित: २५ आश्विन २०८०, बिहीबार १२:१६
भाटभटेनी लुट्नेहरूसँग एक्लै प्रतिकार गरेका सुरक्षाकर्मी ५ लाखसहित सम्मानित

नेपालमा क्यालेन्डर प्रदर्शनी आयोजना गरिँदै, पर्यटकीय स्थलहरूको प्रवर्द्धन गर्ने लक्ष्य

आज ६ संसदीय समितिको बैठक बस्दै

उच्च वायु प्रदूषणका कारण बिरामीको चाप बढ्यो, मास्क लगाउन अनुरोध

तीनकुने घटनाः थप सात जना पक्राउ

नेपाल र थाइल्यान्डबिच आठ समझदारीपत्रमा हस्ताक्षर
