काठमाडौं । भोलिबाट देशभर नै पानी पर्ने मौसम पूर्वानुमान महाशाखाले जनाएको छ । महाशाखाका अनुसार बुधबार कोशी, बाग्मती, गण्डकी प्रदेशका थोरै ठाउँमा हल्कादेखि मध्यम वर्षा हुने छ । साथै बाँकी प्रदेशका पनि एक–दुई स्थानमा मेघ गर्जनरचट्याङ्गसहित हल्का वर्षा हुने जनाइएको छ । भोलि कोशी, बाग्मती प्रदेशका एक दुई स्थानमा भारी वर्षा हुने महाशाखाले जनाएको छ ।

भोलि राती कोशी प्रदेशका केही स्थानहरू तथा मधेश, बागमती र गण्डकी प्रदेशका थोरै स्थानहरूमा मेघ गर्जन÷चट्याङ्ग सहित हल्का सामान्य वर्षा हुने र कोशी प्रदेशका एक(दुई स्थानमा भारी वर्षा हुने जनाइएको छ । बिहीबार पनि सबै प्रदेशका केही ठाउँमा सामान्य वर्षा हुने र कोशी प्रदेशका एक दुई स्थानहरूमा भारी वर्षा हुने जनाइएको छ ।